მჯერა, რომ ჩვენი ხალხი მიიღებს მორიგ ბრძნულ გადაწყვეტილებას და ხმას მისცემს ქვეყნის სტაბილურობას და არა ქაოსს, - ამის შესახებ პრემიერ-მინისტრმა ირაკლი ღარიბაშვილმა საარჩევნო უბანზე ხმის მიცემის შემდეგ, ჟურნალისტებთან საუბრისას განაცხადა.

ღარიბაშვილმა მოუწოდა მხარდამჭერებს, იაქტიურონ, დააფიქსირონ საკუთარი არჩევანი, რაც მნიშვნელოვანია ქვეყნისთვის.

„მე რა თქმა უნდა ხმა მივეცი ჩვენი ქვეყნის მშვიდობიან განვითარებას. ჩვენს ქვეყანას და ხალხს სჭირდება მშვიდობა, დამშვიდება, სიწყნარე, სიმშვიდე, სტაბილურობა და განვითარება, კეთილდღეობა, რაც ჩვენი მთავარი და საერთო ეროვნული იდეა და მიზანია. მე მჯერა, რომ დღეს ჩვენი ხალხი მიიღებს მორიგ ბრძნულ გადაწყვეტილებას და ხმას მისცემს ქვეყნის სტაბილურობას და არა ქაოსს, შფოთს, არეულობას, დაპირისპირებას და პოლარიზაციას, რომელიც მომდინარეობს დესტრუქციული ოპოზიციის მხრიდან, ეს არის ჩემი სურვილი და მე მჯერა, რომ კიდევ ერთხელ ჩვენ ყველანი ერთად გავაკეთებთ სწორ არჩევანს. მჯერა, რომ ხვალინდელი დღე იქნება უკეთესი, ვიდრე დღევანდელი და მჯერა, რომ ამ არჩევნებით, რა თქმა უნდა, მოწოდებული ვართ, თავისუფალი არჩევნები ჩავატაროთ. მინდა ჩვენს ამომრჩევლებს მოვუწოდო აქტიურობისკენ, მივმართო თხოვნით, რომ დღეს დავაფიქსიროთ ჩვენი არჩევანი, რაც არის მნიშნელოვანი ჩვენი ქვეყნისთვის“, - განაცხადა ირაკლი ღარიბაშვილმა.

ავტორი: ექსპრესნიუსი,

სოციალური ქსელები

რუსეთის საგარეო: 18 წლის წინ 7-8 აგვისტოს სააკაშვილის რეჟიმი სამხრეთ ოსეთს თავს დაესხა

საგარეო უწყება - ოკუპაციის 18 წლისთავზე, რუსეთი არ ასრულებს ევროკავშირის შუამავლობით დადებულ 2008 წლის 12 აგვისტოს ცეცხლის შეწყვეტის შეთანხმებას

კიევსა და მიმდებარე ტერიტორიაზე რუსული თავდასხმების შედეგად ხუთი ადამიანი დაიღუპა და რვა დაშავდა

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება