ეკონომიკა ძალიან სწრაფი ტემპით იზრდება, მიმდინარეობს აღდგენა და უკვე აღდგენასაც გასცდა, ეს არის აბსოლუტური ზრდა, - ამის შესახებ ეკონომიკის მინისტრმა, ნათია თურნავამ მთავრობის სხდომის დასრულების შემდეგ, ბრიფინგზე განაცხადა.

მინისტრმა „ნამახვანჰესის“ პროექტის მნიშვნელობაზეც ისაუბრა და აღნიშნა, მთავრობის მიზანია, მაქსიმალურად გაგრძელდეს დიალოგი კომპანია „ენკასთან“.

„ნამახვანჰესის პროექტი თავისთავად ჩვენთვის ძალიან მნიშვნელოვანია, დაყოვნება არ იქნება კარგი ქვეყნისთვის, რადგან ხედავთ, რომ ეკონომიკა ძალიან მაღალი ტემპით იზრდება, მიმდინარეობს აღდგენა და უკვე აღდგენასაც გასცდა, ეს არის უკვე აბსოლუტური ზრდა, რაც ერთის მხრივ ძალიან კარგია, მაგრამ ამავდროულად ნიშნავს, ელექტროენერგიის მომატებულ მოხმარებას და ჩვენი ამოცანაა, რომ ეს მომატებული მოხმარება ჩვენი წყაროებით იფარებოდეს და საკუთარ ელექტროენერგიას მოიხმარდნენ ადამიანები და ბიზნესები და არა იმპორტირებულს. აქედან გამომდინარე, ჩვენი მიმართებაა, რომ მაქსიმალურად დიალოგის რეჟიმში შევძლოთ კომპანია „ენკასთან“ საკითხის დარეგულირება და არა საარბიტრაჟო დავის ფარგლებში“, - განაცხადა ნათია თურნავამ.

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.