2021-10-16 13:01:48, 1057 ნახვა
მსოფლიო
რუსეთში კორონავირუსით დაინფიცირებისა და გარდაცვალების მორიგი ანტირეკორდი დაფიქსირდა
რუსეთში, გასული დღე-ღამის განმავლობაში კორონავირუსით დაინფიცირებისა და გარდაცვალების რეკორდულად მაღალი დღიური მაჩვენებელი დაფიქსირდა.
რუსული მედიასაშუალებები ჯანდაცვის უწყებაზე დაყრდნობით იუწყებიან, რომ ბოლო 24 საათში, ქვეყანაში კოვიდ19-ით დაინფიცირების 33 208 ახალი შემთხვევა გამოვლინდა, ამასთანავე, ვირუსს დღე-ღამეში 1 002 ადამიანი ემსხვერპლა.
ბოლო სტატისტიკის მიხედვით, რუსეთში კორონავირუსის გავრცელებიდან დღემდე, კოვიდინფიცირების 7 958 384 დადასტურებული შემთხვევაა, აქედან ვირუსს 222 315 ადამიანი ემსხვერპლა. რაც შეეხება გამოჯანმრთელებულებს, მათ რაოდენობა 6.98 მილიონს აღემატება.
ავტორი: ექსპრესნიუსი,
epn.ge (@expressnews.ge)
