2021-09-09 14:47:22, 734 ნახვა
მსოფლიო
ალჟირში ტყის ხანძრების გაჩენის ბრალდებით 30 ადამიანი დააკავეს
გასულ თვეს ალჟირში ტყის ხანძრების გაჩენაში მონაწილეობის ბრალდებით 30 ადამიანი დააკავეს, - ინფორმაციას Reuters-ი ავრცელებს.
მათი ცნობით, დაკავებულებს შორის ალჟირის მთავრობის მიერ ტერორისტულ ორგანიზაციად გამოცხადებული დაჯგუფების 7 წევრია.
ალჟირის ხელისუფლებამ გასული თვის ხანძრების განზრახ გაჩენაში დაჯგუფება „მოძრაობა კაბილიის თვითგამორკვევისათვის” დაადანაშაულა, მის მხარდაჭერაში კი მაროკოს სდებს ბრალს. მაროკოს მიერ დაჯგუფების მხარდაჭერა გახდა ალჟირის ხელისუფლების გადაწყვეტილების მიზეზი, სამეფოსთან დიპლომატიური ურთიერთობები გაეწყვიტა.
ავტორი: ექსპრესნიუსი,
epn.ge (@expressnews.ge)
