2021-08-12 10:02:41, 1371 ნახვა
მსოფლიო
მედიის ცნობით, რუსეთში ვერტმფრენის ჩამოვარდნას 8 ადამიანის სიცოცხლე ემსხვერპლა
რუსეთში, კამჩატკის რეგიონში, „მი-8“ ტიპის ვერტმფრენმა, რომლის ბორტზეც 16 ადამიანი იმყოფებოდა, კატასტროფა განიცადა, - ინფორმაციას გამოცემა „ინტერფაქსი" ავრცელებს.
მედიის ცნობით, კატასტროფის შედეგად 8 ადამიანი გარდაიცვალა, რომელთა ცხედრებიც კურილიის ტბის ფსკერზეა, 8 ადამიანი კი გადარჩა და მათ სიცოცხლეს საფრთხე არ ემუქრება.
კომპანია „ვიტიაზ-აეროს“ კუთვნილმა ვერტმფრენმა კატასტროფა დღეს, გამთენიისას განიცადა. ზედამხედველობის სამსახურიდან წყარომ „ინტერფაქსს“ განუცხადა, რომ კატასტროფის მიზეზი, შესაძლოა, ძლიერი ნისლი გახდა. ვერტმფრენის ჩამოვარდნის ფაქტზე სისხლის სამართლის საქმე აღიძრა.
ავტორი: ექსპრესნიუსი,
epn.ge (@expressnews.ge)
