პარლამენტის ბიუროს სხდომაზე, სადაც 18 ივლისს, ქალი დეპუტატების მიმართ ძალის გამოყენებაზე საუბრობდნენ, ოპოზიციისა და „ქართული ოცნების“ წევრები ერთმანეთს სიტყვიერად დაუპირისპირდნენ.

„ნაციონალური მოძრაობის“ კაცები, რომ ამ ქალების წინ გიშვებენ, ასე რომ გერეკებიან, ეგ არ არის დისკრიმინაცია?, - ასე მიმართა საპროცედურო საკითხთა კომიტეტის თავმჯომარე ირაკლი ქადაგიშვილმა „ნაციონალური მოძრაობის“ წევრ ხატია დეკანოიძეს.

ირაკლი ქადაგიშვილის ამ რეპლიკას წინ ხატია დეკანოიძესა და უმრავლესობის წევრს, შალვა პაპუაშვილს შორის შელაპარაკება უძღოდა.

„მამაკაცების ბრბო არის და ქალებს გიშვებენ წინ. ყელში ამომივიდა“, - მიმართა ირაკლი ქადაგიშვილმა ხატია დეკანოიძეს და ბიუროს სხდომა დატოვა.

შეგახსენებთ, რომ 18 ივლისს, პარლამენტი პლენარულ სხდომათა დარბაზში, სადაც შინაგან საქმეთა მინისტრის მოსმენა უნდა გამართულიყო, ხმაური იყო. სხდომათა დარბაზში ოპოზიციონერმა დეპუტატებმა და მედიის წარმომადგენლებმა ვახტანგ გომელაურს სიტყვით გამოსვლა შეაწყვეტინეს, ისინი ტრიბუნასთან დადგნენ და „ტვ პირველის“ გარდაცვლილი ოპერატორის, ლექსო ლაშქარავას ფოტოები გაშალეს.

„ნაციონალური მოძრაობის“ წევრი ნონა მამულაშვილი, რომელიც მაგიდაზე საპროტესტო პლაკატით ხელში ავიდა, „ქართული ოცნების“ დეპუტატმა, ირაკლი ზარქუამ მაგიდადან ძალის გამოყენებით ჩამოიყვანა. ამასთანავე, „ნაციონალური მოძრაობის“ წევრი თინა ბოკუჩავა, რომელიც პარლამენტის თავმჯდომარესთან ცდილობდა მისვლას, უმრავლესობის დეპუტატმა შალვა პაპუაშვილმა ძალის გამოყენებით გაარიდა ადგილს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი კირცხალია - გარე ინტერესებს არაერთი ადამიანი ემსახურება, ამის მაგალითია იმ ე.წ. კულტურის მოღვაწეების სია, მათ შორის არიან სუხიშვილები, ნიკოლოზ რაჭველი და პაატა ბურჭულაძე

სამართალდამცველებმა ქურდობის ბრალდებით უცხო ქვეყნის ორი მოქალაქე დააკავეს

2014 წელთან შედარებით, 2024 წელს ეკონომიკურად აქტიური მოსახლეობის წილი 63.7%-დან 55.6%-მდე შემცირდა- სოციალური სამართლიანობის ცენტრი

დრონებმა თათრეთის ერთ-ერთ უდიდეს ნავთობქიმიურ ქარხანას თავს დაესხნენ, 12 ადამიანი დაიღუპა და 39 დაშავდა.