პარტია „ქართული ოცნება - დემოკრატიული საქართველოს“ ლიდერები საქართველოში 5-6 ივლისს განვითარებულ ძალადობრივ მოვლენებზე პრემიერ-მინისტრ ირაკლი ღარიბაშვილისა და შინაგან საქმეთა მინისტრ ვახტანგ გომელაურის პასუხისმგებლობას ვერ ხედავენ.

როგორც საპარლამენტო უმრავლესობის ერთ-ერთმა ლიდერმა, მიხეილ ყაველაშვილმა განაცხადა, ყბადაღებული თემა, რომ პრემიერ-მინისტრი იყო 5-6 ივლისის მოვლენების წამქეზებელი, სიცრუეა.

„ეს ყბადაღებული თემა, რომ პრემიერ-მინისტრი იყო წამქეზებელი, არის სრული სიცრუე, დამანახეთ, მომსამენინეთ, სად, რა წააქეზა. პასუხისმგებლობა აღებული აქვს შინაგან სქმეტა სამინისტროს და გამოაშკარავდება ყველა პირი, მიმდინარეობს იმ პირთა დაკავება, ვინც ჩაიდინეს ეს დანაშაული“, - განაცხადა მიხეილ ყაველაშვილმა.

ამასთანავე, საპარლამენტო უმრავლესობის წევრი სოზარ სუბარი აცხადებს, რომ პრემიერ-მინისტრი ირაკლი ღარიბაშვილი, რა თქმა უნდა, არ უნდა გადადგეს და არც გადადგება.

„პრემიერ-მინისტრის განცხადებაში, თუ ყურადღებით მოისმენთ, ვერაფერს ნახავთ მსგავსს, რასაც აბრალებთ. მან ზოგადად თქვა, რომ აუცილებელია პოლიციამ დაიცვას მოქალაქეების სიმშვიდე და თქვა, რომ თუ გვინდა იყოს სიმშვიდე, მოუწოდა „პრაიდის“ მონაწილეებს, თავი შეეკავებინათ აქციისგან, უშუალოდ ქუჩაში მსვლელობისგან, თორემ მანამდე მთელი კვირის განმავლობაში „პრაიდის“ სხვადასხვა ტიპის აქციები ტარდებოდა და პოლიციამ დაიცვა ყველას უსაფრთხოება“, - განაცხადა სოზარ სუბარმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თურქეთის პარლამენტის წევრებმა ანკარას მოუწოდეს, აღიაროს აფხაზური პასპორტები

საქართველოს ჟურნალისტური ეთიკის ქარტია - მოვუწოდებთ შსს-ს, სასწრაფოდ გამოიძიოს ჟურნალისტ კობა ფარტენაძეზე გახშირებული თავდასხმები და მისი უსაფრთხოება უზრუნველყოს

კალაძე - აგვისტოს ომთან დაკავშირებით, რა თქმა უნდა, ყველანაირი პასუხისმგებლობა ეკისრება მაშინდელ ხელისუფლებას

კახი კალაძე რუსი ბლოგერებისთვის ინტერვიუს მიცემაში პრობლემას ვერ ხედავს