ეუთო-ს დემოკრატიული ინსტიტუტი და ადამიანთა უფლებების ოფისი საქართველოს უზენაეს სასამართლოში მოსამართლეთა დანიშვნის პროცესის შესახებ მონიტორინგის მესამე შუალედური ანგარიშს აქვეყნებს.

ეუთო/ოდირის ანგარიშში ვკითხულობთ, რომ საქართველოს უზენაესი სასამართლოს მოსამართლეთა წარდგენის პროცესი მიუხედავად ბოლოდროინდელი გაუმჯობესებისა, ნაკლოვანებით ხასიათდება.

ამასთანავე, გამოქვეყნებული ანგარიშის თანახმად, მოსამართლეთა დანიშვნის პროცესის პარალელურად განხორციელებული საკანონმდებლო ცვლილებები, უზენაეს სასამართლოში არსებული 11 ადგილის შესავსებად, კითხვის ნიშნის ქვეშ აყენებს სამართლიანობისა და თანასწორობის პრინციპს.

„მიუხედავად იმისა, რომ საკანონმდებლო ჩარჩო უზრუნველყოფს უზენაესი სასამართლოს მოსამართლეთა დანიშვნისას ინტერესთა კონფლიქტის თავიდან აცილების მკაფიო მექანიზმს, ODIHR-მა დააფიქსირა სტანდარტების მნიშვნელოვანი გადაცდომა, რამაც შეიძლება დააზიანოს როგორც სასამართლო ხელისუფლების დამოუკიდებლობა, აგრეთვე საზოგადოების ნდობა“, - აღნიშნულია გამოქვეყნებულ ანგარიშში.

ODIHR განაგრძობს მოსამართლეთა დანიშვნის პროცესზე დაკვირვებას და საბოლოო ანგარიშში წარადგენს თავის დასკვნებსა და რეკომენდაციებს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თურქეთის პარლამენტის წევრებმა ანკარას მოუწოდეს, აღიაროს აფხაზური პასპორტები

საქართველოს ჟურნალისტური ეთიკის ქარტია - მოვუწოდებთ შსს-ს, სასწრაფოდ გამოიძიოს ჟურნალისტ კობა ფარტენაძეზე გახშირებული თავდასხმები და მისი უსაფრთხოება უზრუნველყოს

კალაძე - აგვისტოს ომთან დაკავშირებით, რა თქმა უნდა, ყველანაირი პასუხისმგებლობა ეკისრება მაშინდელ ხელისუფლებას

კახი კალაძე რუსი ბლოგერებისთვის ინტერვიუს მიცემაში პრობლემას ვერ ხედავს