2021-07-08 15:35:39, 1548 ნახვა
სამართალი
შს მინისტრის განცხადებით, იდიოტიზმია, რომ ჟურნალისტების ცემის ბრძანება გომელაურმა გასცა
თქვეს, რომ ვითომ გომელაურმა გასცა ბრძანება, რომ ჟურნალისტები ცემონ, ეს იდიოტიზმია, - ამის შესახებ შინაგან საქმეთა მინისტრმა, ვახტანგ გომელაურმა ჟურნალისტებს განუცხადა, რითაც 5-6 ივლისის მოვლენებზე ჟურნალისტებზე განხორციელებულ თავდასხმას გამოეხმაურა.
მისი თქმით, პოლიციამ შესაძლებლობის ფარგლებში მაქსიმალური გააკეთა.
„თქვეს, რომ ვითომ გომელაურმა გასცა ბრძანება, რომ ჟურნალისტები ცემონ, ეს იდიოტიზმია, უკაცრავად, არ მინდა შეურაცხყოფა მივაყენო სახელი და გვარები დავასახელო. როგორ შეიძლება, რაც არ უნდა, ვინც არ უნდა იყოს, სუსტი თუ ძლიერი მინისტრი, თუ ხელისუფლება, ასეთი რაღაც გააკეთოს. ასეთი რაღაცა არ მომხდარა სამწუხაროდ, რომ ასეთი აგრესია წამოსულიყო ჟურნალისტებისკენ“, - განაცხადა ვახტანგ გომელაურმა.
ავტორი: ექსპრესნიუსი,
epn.ge (@expressnews.ge)
