მოსკოვში, მას შემდეგ, რაც მოსახლეობის კორონავირუსზე ვაქცინაციის წესები გამკაცრდა, ყალბი კოვიდ სერტიფიკატების გაყიდვა დაიწყეს, - ამის შესახებ ინფორმაციას გამოცემა Washington Post-ი წერს.

როგორც გამოცემის მიერ გავრცელებულ ინფორმაციაშია აღნიშნული, მათ ანონიმურმა წყარომ მიაწოდა ინსტაგრამ მიმოწერის ასლები, სადაც მას თაღლითურად შექმნილ კოვიდ სერტიფიკატს $25-ად სთავაზობდნენ, რისთვისაც პირადი ინფორმაციისა და მონაცემების გადაგზავნას ითხოვდნენ.

მოსკოვში ყალბი ვაქცინაციის სერტიფიკატების მომსყიდველთა რაოდენობის ზრდა მას შემდეგ ფიქსირდება, რაც დედაქალაქის მერმა განაცხადა, რომ მოსახლეობის 60%-ისთვის, კერძოდ, პედაგოგებისთვის, ტაქსის მძღოლებისთვის, გამყიდველებისთვის და სხვა ქალაქის მომსახურების სფეროში დასაქმებულებისთვის კოვიდვაქცინაცია სავალდებულო იქნება.

ახალი წესებით, რესტორნებში, ან ბარში შესულმა პირებმა QR კოდით უნდა დაადასტურონ, რომ აცრილები არიან, ან PCR ტესტის უარყოფითი პასუხი წარადგინონ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით