რატომ შემოდიან „ნაციონალური მოძრაობის" წევრები პარლამენტში?! ფული აიღეს ბიძინა ივანიშვილისგან?!, - ამის შესახებ „მოქალაქეების" ლიდერმა ალეკო ელისაშვილმა „ნაციონალური მოძრაობის" მიერ პარლამენტში შესვლასთან დაკავშირებით მიღებულ გადაწყვეტილებაზე საუბრისას განაცხადა.

„საერთოდ რატომ შემოდიან ან რის ფასად შემოდიან „ნაციონალური მოძრაობის“ წევრები პარლამენტში, რატომ შემოდიან?! ფული აიღეს ბიძინა ივანიშვილისგან?! მაგათი ლიდერები ციხიდან ჩვენ გამოვიყვანეთ, საარჩევნო რეფორმას ჩვენ ვახორციელებთ, მართლმსაჯულების რეფორმას ჩვენ ვახორციელებთ, რატომ შემოდიან?! თანამდებობები ეხარბებათ?! ან ჩვენ რატომ გვლანძღავდნენ?! ხომ არიან ღირსები, რომ ყოველდღე დერეფნები მოვუწყოთ აქ და ის ვეძახოთ რასაც ჩვენ გვეძახდნენ და კიდევ უარესი. დაეტიონ იმ ქუჩაში, რა ნამუსით შემოდიან, რა სინდისით შემოდიან, თვალებში როგორ უნდა ჩაგვხედონ“, - განაცხადა ალეკო ელისაშვილმა.

შეგახსენებთ, რომ „ერთიანმა ნაციონალურმა მოძრაობამ" გუშინ პარლამენტში შესვლის გადაწყვეტილება მიიღო, თუმცა ევროპული საბჭოს პრეზიდენტის, შარლ მიშელის მიერ შეთავაზებულ შეთანხმების დოკუმენტზე ხელი არ მოაწერა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პოლონეთი და ბალტიისპირეთის ქვეყნები რუსეთის მიერ კაშხლების, გაზსადენებისა და ელექტროსადგურების საბოტაჟისთვის ემზადებიან

რუსეთის უზენაესმა სასამართლომ ოპოზიციური პარტია იაბლოკო დუმის არჩევნებიდან მოხსნა

ადვოკატმა უარი თქვა თელავის სასტუმროში მომხდარ ინციდენტში ბრალდებულის დაცვაზე

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.