ამერიკის შეერთებული შტატების სახელმწიფო დეპარტამენტის მიერ გამოქვეყნებული 2022 წლის ფისკალური ბიუჯეტის მიხედვით, საქართველოსთვის 88 მილიონი დოლარის ოდენობით დახმარების გამოყოფა იგეგმება.

როგორც სახელმწიფო დეპარტამენტის მიერ გამოქვეყნებულ პროექტში ვკითხულობთ, ფინანსური დახმარება ხელს შეუწყობს ქვეყნის დემოკრატიზაციას, ეკონომიკურ განვითარებას, ევროატლანტიკურ ინტეგრაციასა და კრემლიდან მომდინარე გავლენის შეკავებას.

ამასთანავე, პროექტში წერია, რომ დაფინანსება ხელს შეუწყობს ინსტიტუციური შემოწმებებისა და ბალანსის გამტკიცებას, კანონის უზენაესობას და უფრო ძლიერი სამოქალაქო საზოგადოების განვითარებას. საიმედო და დაბალანსებული მედიის ხელმისაწვდომობას. ხელს შეუწყობს პოლიტიკურ პლურალიზმს და შერიგების მცდელობებს, მათ შორის, აფხაზეთის რეგიონში.

„ხელს შეუწყობს ენერგეტიკული უსაფრთხოების გაზრდას, ასევე რეფორმებს, რომელიც აუცილებელია ეკონომიკური განვითარების ხელშესაწყობად. კერძო სექტორის გაფართოებასა და კონკურენტუნარიანობის გაზრდას, ასევე სოფლის მეურნეობის პროუქტიულობას და უცხოური ინვესტიციების მოზიდვას. გაზრდილი დაფინანსება იქნება ხელშემწყობი ენერგეტიკული უსაფრთხოებისა და კიბერუსაფრთხოებისთვის, ასევე ეკონომიკური შესაძლებლობებისა და რუსეთიდან მომდინარე მავნე გავლენის ქვეშ მყოფი მოსახლეობის ინტეგრაციას“, - აღნიშნულია სახელმწიფო დეპარტამენტის მიერ გამოქვეყნებულ პროექტში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პოლონეთი და ბალტიისპირეთის ქვეყნები რუსეთის მიერ კაშხლების, გაზსადენებისა და ელექტროსადგურების საბოტაჟისთვის ემზადებიან

რუსეთის უზენაესმა სასამართლომ ოპოზიციური პარტია იაბლოკო დუმის არჩევნებიდან მოხსნა

ადვოკატმა უარი თქვა თელავის სასტუმროში მომხდარ ინციდენტში ბრალდებულის დაცვაზე

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.