2021-05-20 13:51:21, 446 ნახვა

---

საბაჟო დეპარატამენტის უფროსმა აზერბაიჯანის რესპუბლიკის საბაჟო ადმინისტრაციის წარმომადგენლებთან სამუშაო შეხვედრა გამართა

ფინანსთა სამინისტროს შემოსავლების სამსახურის უფროსის მოადგილემ, ვლადიმერ ხუნდაძემ და საბაჟო დეპარტამენტის უფროსმა ზურაბ სიჭინავამ აზერბაიჯანის რესპუბლიკის სახელმწიფო საბაჟო კომიტეტის თავმჯდომარის  მოადგილესთან ჯავად გასიმოვთან სამუშაო შეხვედრა გამართეს.

შეხვედრის ფარგლებში, მხარეებმა საქართველოსა და აზერბაიჯანის რესპუბლიკებს  შორის გამშვები პუნქტების შესახებ არსებული შეთანხმების ფარგლებში, ახალი, ერთობლივი  საბაჟო გამშვები პუნქტის -  “აბრეშუმის გზა – იპეკ იოლუს” მშენებლობის პროექტი განიხილეს. ამასთან, საუბარი შეეხო „ბაქო-თბილისი-ყარსის“ სარკინიგზო პროექტის ფარგლებში,  საქართველოს, თურქეთისა და აზერბაიჯანის რესპუბლიკებს შორის,  თანამშრომლობის შესახებ, სამმხრივი შეთანხმების  განხილვას.

სამუშაო შეხვედრაზე მხარეებმა, ასევე, ყურადღება დაუთმეს გლობალური პანდემიის პირობებში, გაერო-ს ნარკოტიკებისა და დანაშაულის წინააღმდეგ ბრძოლის ოფისისა (UNODC) და მსოფლიო საბაჟო ორგანიზაციის (WCO) ერთობლივი პროექტის - კონტეინერების კონტროლის პროგრამის ფარგლებში, მოქმედი დანაყოფის მიერ  მიღწეული დადებითი შედეგების და ამ პროგრამაში მონაწილე ქვეყნებთან თანამშრომლობისა და ინფორმაციის გაცვლის საკითხებს.

სამუშაო შეხვედრა, რომელსაც შემოსავლების სამსახურის საერთაშორისო ურთიერთობათა დეპარტამენტის ხელმძღვანელი სამსონ ურიდია და საბაჟო დეპარტამენტის უფროსის მოადგილე კახაბერ ბარამია ესწრებოდნენ,   აზერბაიჯანის რესპუბლიკის ტერიტორიაზე, საბაჟო გამშვები პუნქტი ,,წითელი ხიდის“ მოსაზღვრე მხარეს ,,სინიქ ქიორპუში“გაიმართა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი