2021-04-23 15:51:59, 583 ნახვა

---

გიორგი ვაშაძე აცხადებს, რომ ოპოზიციის ნაწილი გმობს ამნისტიას და თან ელოდება მის მიღებას, რომ პარლამენტში შებობღდეს

„სტრატეგია აღმაშენებლის“ ლიდერი გიორგი ვაშაძე აცხადებს, რომ ოპოზიციის ნაწილი ერთი მხრივ გმობს ამნისტიას და თან ელოდება მის მიღებას, რომ რაც შეიძლება სწრაფად „შებობღდეს“ პარლამენტში.

როგორც გიორგი ვაშაძემ აღნიშნა, ის აღნიშნულ პროცესში ბოლომდე მოსთხოვს „ქართულ ოცნებას“, რომ შეასრულოს პირობა.

„მინდა მივმართო ადამიანებს, რომლებიც ერთი მხრივ გმობენ ამნისტიას, ახლა არ ვამბობ არანაირად ნიკა მელიაზე, არამედ სხვა ადამიანებზე და მეორე მხრივ, ელოდებიან ამნისტიის კანონის მიღებას, რომ შებობღდნენ, რაც შეიძლება სწრაფად პარლამენტში. ეს არის პილატე პონტოელის მსგავსი ქმედბა, ხელები დაიბანეთ პროცესიდან, მაგრამ გინდათ რომ მიიღოთ შედეგი. მე ხელებს არ დავიბან პროცესიდან და ყველაფერს შევასრულებ, ზედმიწევნით მოვთხოვ „ქართულ ოცნებას“, რომ შეასრულოს თავისი პირობა“, - განაცხადა გიორგი ვაშაძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი