რუსეთი 10 ამერიკელ დიპლომატს ქვეყნიდან გააძევებს.

ამის შესახებ ქვეყნის საგარეო საქმეთა მინისტრმა, სერგეი ლავროვმა განაცხადა.

როგორც მან აღნიშნა, მოსკოვი შეზღუდავს ქვეყანაში ამერიკული ფონდებისა და არასამთავრობო ორგანიზაციების მუშაობას, რომლებიც მინისტრის თქმით, პირდაპირ ერევიან რუსეთის შიდაპოლიტიკურ საქმეებში.

„თქვენ საუბრობთ, რომ 10 რუსი დიპლომატი შეიყვანეს სიაში და მათ აშშ უნდა დატოვონ. ჩვენ ამაზე პასუხს სარკისებურად გავცემთ. 10 ამერიკელ დიპლომატს რუსეთის ფედერაციის ტერიტორიას დავატოვებინებთ“, - განაცხადა ლავროვმა.

15 აპრილს ცნობილი გახდა ვაშინგტონში რუსეთის დიპლომატიური მისიის 10 თანამშრომლის გაძევების შესახებ. იმავე დღეს აშშ-ს პრეზიდენტმა ჯო ბაიდენმა ხელი მოაწერა განკარგულებას ახალი ანტირუსული სანქციების შემოღების შესახებ.

შეზღუდვები შეეხო რუსეთიდან 32 იურიდიულ და ფიზიკურ პირს, რომლებიც აშშ-ის პრეზიდენტის ადმინისტრაციის თანახმად, „შეეცადნენ გავლენა მოეხდინათ აშშ-ის 2020 წლის საპრეზიდენტო არჩევნებზე დეზინფორმაციითა და სხვადასხვა მავნე ქმედებებით“.

რუსეთის საგარეო საქმეთა სამინისტრომ განაცხადა, რომ მოსკოვი მტკიცედ უპასუხებს ვაშინგტონის მიერ დაწესებულ ახალ სანქციებს. 

ავტორი: ექსპრესნიუსი,

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ