2021-04-16 17:20:37, 659 ნახვა

---

არჩილ თალაკვაძემ განმარტა, რა შემთხვევაში განიხილავს „ქართული ოცნება“ ოპოზიციის მოთხოვნას ვადამდელ არჩევნებთან დაკავშირებით

თუ მმართველი პარტია 40%-ს ვერ მიიღებს თვითმართველობის არჩევნებში, განვიხილავთ ოპოზიციის მოთხოვნებს ვადამდელ არჩევნებთან დაკავშირებით,  ამის შესახებ პარლამენტის თავმჯდომარე არჩილ თალაკვაძემ, პარტიის ცენტრალურ ოფისში გამართულ ბრიფინგზე განაცხადა.

„როდესაც ოპოზიცია კითხვის ნიშნის ქვეშ აყენებს „ქართული ოცნების“ მხარდაჭერას, პარტია გამოხატავს მზადყოფნას რომ უპრობლემოდ ჩააბაროს ეს ტესტი. თვითმართველობის არჩევნებშიც. 40% არის საკმარისი ლეგიტიმაცია, რომ მმართველობის პასუხისმგებლობა პოლიტიკურმა პარტიამ აიღოს საკუთარ თავზე. ეს ტესტი არის ჩვენი მხრიდან შეთავაზებული

ჩვენ მზად ვართ, რომ 40%-იანი მხარდაჭერის პრინციპი გამოვიყენოთ, რომ თუ მმართველი პარტია 40%-ს ვერ მიიღებს თვითმართველობის არჩევნებში, ამ შემთხვევაში, განვიხილავთ ოპოზიციის მოთხოვნებს ვადამდელ არჩევნებთან დაკავშირებით“, - განაცხადა არჩილ თალაკვაძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი