ნატო-ს გენერალური მდივანი იენს სტოლტენბერგი რუსეთს უკრაინის ტერიტორიაზე სამხედრო ძალის მობილიზების შეწყვეტისკენ მოუწოდებს.

როგორც იენს სტოლტენბერგმა ბრიუსელში უკრაინის საგარეო საქმეთა მინისტრ დიმიტრი კულებასთან გამართულ ერთობლივ პრესკონფერენციაზე აღნიშნა, რუსეთმა უნდა შეწყვიტოს პროვოკაციები და მოახდინოს სიტუაციის დეესკალაცია.

„რუსეთის მიერ სამხედრო ძალის გაზრდა გაუმართელებელი, აუხსნელი და ღრმად შემაშფოთებელია. რუსეთმა უნდა შეწყვიტოს უკრაინაში და მის გარშემო არსებულ ტერიტორიაზე სამხედრო მობილიზება, შეწყვიტოს პროვოკაციები და დაუყოვნებლივ მოახდინოს დეესკალაცია“, - განაცხადა იენს სტოლტენბერგმა.

შეგახსენებთ, რომ უკრაინის სამხრეთ-აღმოსავლეთ ნაწილში აპრილის დასაწყისიდან მდგომარეობა უკიდურესად დაიძაბა. გასული დღე-ღამის განმავლობაში რუსეთის შეიარაღებულმა ფორმირებებმა ცეცხლის შეწყვეტის რეჟიმი 17-ჯერ დაარღვიეს, საიდანაც 15-ჯერ დაბომბვა განხორციელდა, რის შედეგადაც დაიღუპა ერთი უკრაინელი სამხედრო.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times