2021-04-13 14:25:37, 604 ნახვა
სამართალი
ნიკა მელიას საქმის მოსამართლემ, კობახიძისა და გულაშვილის დაკითხვის შუამდგომლობა არ დააკმაყოფილა
„ნაციონალური მოძრაობის“ თავმჯდომარის, ნიკა მელიას საქმის მოსამართლემ, ნინო ჩახნაშვილმა „ქართული ოცნების“ თავმჯდომარის, ირაკლი კობახიძისა და სუს-ის ყოფილი თანამშრომლის, ივანე გულაშვილის დაკითხვის შუამდგომლობა არ დააკმაყოფილა.
აღნიშნული შუამდგომლობით ნიკა მელიას ადვოკატებმა მოსამართლეს დღევანდელ პროცესზე მიმართეს.
ამასთან, მოსამართლემ არ დააკმაყოფილა „ნაციონალური მოძრაობის“ თავმჯდომარის, ნიკა მელიას ადვოკატების შუამდგომლობა მტკიცებულებად ინტერვიუების დაშვების შესახებ.
ცნობისთვის, ამ წუთებში თბილისის საქალაქო სასამართლოში „ნაციონალური მოძრაობის“ თავმჯდომარის, ნიკა მელიას სასამართლო პროცესი მიმდინარეობს.
ავტორი: ექსპრესნიუსი,
epn.ge (@expressnews.ge)
