პროტესტით, რომლის ფორმაც ყოვლად დაუშვებელი იყო, „ნაცმოძრაობამ“ ისარგებლა, - ასე გამოეხმაურა პრემიერ-მინიტრი ირაკლი ღარიბაშვილი გუშინ, რუსი ჟურნალისტი, ვლადიმერ პოზნერისა და მისი მეგობრების მიერ საქართველოში დაბადების დღის აღნიშვნას, რასაც სამოქალაქო აქტივისტების პროტესტი მოჰყვა.

როგორც ირაკლი ღარიბაშვილმა მთავრობის სხდომაზე აღნიშნა, კიდევ ერთხელ გამოჩნდა, რომ „ნაცმოძრაობა“ აბსოლუტურად დეგრადირებულ და რადიკალურ ჯგუფად ჩამოყალიბდა.

„ჩვენი მოქალაქეების ერთმა ჯგუფმა პროტესტის გამოხატვა გადაწყვიტა, რითაც ისარგებლა ყველაზე დესტრუქიულმა ძალამ „ნაციონალურმა მოძრაობამ“ და როგორც სჩვევიათ, მოვლენები თავიანთი დღის წესრიგის ფარგლებში მოაქციეს. ამჯერადაც მათი და სააკაშვილის მიზანია დესტრუქცია, საბოტაჟი და ჩვენი ქვეყნისთვის მაქსიმალური ზიანის მიყენება, ჩვენი ქვეყნის საერთაშორისო იმიჯის შელახვა, ამჯერადაც ეს გააკეთეს იმ ფონზე, როდესაც ჩვენი ქვეყანა ნაწილობრივ იხსნება ტურისტებისტვის და მოგეხსენებათ, რაოდენ დიდი მნიშვნელობა აქვს ჩვენთვის ტურისტების შემოსვლას.

ყოვლად დაუშვებელი იყო „ნაცმოძრაობის“ ლიდერების და მათი ჯგუფების პროტესტის ეს ფორმა, რაც აშკარად სცდება ცივილიზებულ ნორმებს და ქართულ სტანდარტებს, კიდევ ერთხელ დავრწმუნდით, რომ ნაცმოძრაობა აბსოლუტურად დეგრადირებულ და რადიკალურ ჯგუფად ჩამოყალიბდა, რომელთანაც ცივილიზებული დიალოგი შეუძლებელია. სახელმწიფო უწყებებ მოქმედებდნენ, კანონის სრული დაცვით“, - განაცხადა პრემიერ-მინისტრმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება