აშშ-ის სახელმწიფო მდივანმა ანტონი ბლინკენმა და ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, ასევე ევროკომისიის ვიცე-პრეზიდენტმა ჟოზეფ ბორელმა ბრიუსელში შეხვედრა გამართეს, სადაც აშშ-ევროკავშირის ურთიერთობების განმტკიცების გზები განიხილეს და კოორდინაცია გაუწიეს პრიორიტეტულ საგარეო პოლიტიკას.

​შეხვედრის დასრულების შემდეგ, ჟოზეფ ბორელისა და ანტონი ბლინკენის ერთობლივი განცხადება გავრცელდა, სადაც აღნიშნულია, რომ მათ გადაწყვიტეს კოორდინირებულად გაუმკლავდნენ რუსეთის რთულ ქცევას, მათ შორის, საქართველოსა და უკრაინის წინააღმდეგ განხორციელებულ აგრესიას.

ამასთანავე, განცხადებაში აღნიშნულია, რომ ისინი აპირებენ კოორდინირებულად გაუმკლავდნენ ჰიბრიდულ საკითხებს, მათ შორის საარჩევნო პროცესებში ჩარევას, დეზინფორმაციის გავრცელებას, მავნე კიბერ საქმიანობას.

„მათ ასევე გადაწყვიტეს მჭიდრო თანამშრომლობის გაგრძელება ევროკავშირის აღმოსავლეთ სამეზობლოში, სამხრეთ კავკასიის ქვეყნების ჩათვლით, ყოვლისმომცველი რეფორმების ხელშესაწყობად“, - აღნიშნულია განცხადებაში, რომელსაც აშშ-ის სახელმწიფო დეპარტამენტი ავრცელებს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პოლონეთი და ბალტიისპირეთის ქვეყნები რუსეთის მიერ კაშხლების, გაზსადენებისა და ელექტროსადგურების საბოტაჟისთვის ემზადებიან

რუსეთის უზენაესმა სასამართლომ ოპოზიციური პარტია იაბლოკო დუმის არჩევნებიდან მოხსნა

ადვოკატმა უარი თქვა თელავის სასტუმროში მომხდარ ინციდენტში ბრალდებულის დაცვაზე

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.