ექთანი, რომელიც ახალციხის კლინიკა „იმედში“ ვაქცინაციის შემდეგ კომაში ჩავარდა, თბილისში გადმოჰყავთ, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ NCDC-ში გამართულ ბრიფინგზე განაცხადა.

ამირან გამყრელიძის განცხადებით, მიმდინარეობს აღნიშნული ფაქტის მოკლვევა და მიზეზ-შედეგობრივი კავშირის დადგენა.

„დღეს ახალციხეში, იმედის კლინიკაში, რომელიც აწარმოებს აცრებს და უკვე დაახლოებით 16 ადამიანი ჰყავს აცრილი, 12 საათსა და 15 წუთზე აიცრა ჩვენი კოლეგა, მედპერსონალი, 27 წლის ქალბატონი, რომელიც როგორც ვიცი ანამნეზი, სისტემატურად იტარებდა გრიპის საწინააღმდეგო აცრას და არ აღნიშნავდა ანამნეზში ალერგიულ რეაქციებს, ამ აცრის შემდეგ, ქალბატონმა მოუწოდა პირდაპირ ეთერში სამედიცინო პერსონალს, აცრების გააქტიურებისკენ.  სამწუხაროდ, 30 წუთში განვითარდა დაუყოვნებელი რეაქცია. ჩვენ ჯერ არ ვიცით, ეს იყო ალერგიული რეაქცია, თუ სხვა ტიპის რეაქცია, რადგან ის შესაძლოა იყოს სხვადასხვა. ადამიანს ადგილზე დროულად ჩაუტარდა გადაუდებელი დახმარება, რაც ამ დროს პროტოკოლით არის გათვალისწინებული და არ მოიხსნა რეაქცია და ის გადაყვაილი იქნა რეანიმაციულ განყოფილებაში, ავადმყოფის მდგომარეობა სწრაფად დამძიმდა და საჭირო გახდა მისი ინტუბირება. ამჟამად იქ იმყოფება კატასტროფის მედიცინის ბრიგადა და ავადმყოფის ევაკუაცია ხდება თბილისში. დაწყებულია შემთხვევის მოკვლევა და ამ ეტაპზე, მიზეზ-შედეგობრივ კავშირებზე ჩვენ, ჯერჯერობით ვერ ვისაუბრებთ, სანამ არ დასრულდება სრულად მოკვლევა“, - განაცხადა ამირან გამყრელიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ჩვენ გვჭირდება შემაკავებელი ორდერი“- ტრამპი მელონის კიდევ ერთხელ დასცინის

ლუკაშენკო: ბელარუსს ბრძოლა არ სურს, მაგრამ მტრის წინაშე თავს არ დახრის

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი

ერდოღანი და ტრამპი უკრაინასთან დაკავშირებით თურქეთის ინიციატივებს განიხილავენ