უმრავლესობის წევრი მამუკა მდინარაძე რიგგარეშე არჩევნების ჩატარების საკითხს ეხმაურება და აღნიშნავს, რომ ეს „ჩახურული, გადაშლილი ფურცელი და დამთავრებული ამბავია“.

როგორც მამუკა მდინარაძემ ჟურნალისტებთან საუბრისას აღნიშნა, ცივილიზებულმა სამყარომ იცის, რომ საქართველოში სამართლიანი და თავისუფალი საპარლამენტო არჩევნები ჩატარდა.

მისივე თქმით, სამართლიანი არჩევნების ჩატარებაში მხოლოდ გიგა ბოკერია და მიხეილ სააკაშვილი ვერ დაარწმუნეს.

„ჩახურული ფურცელია, გადაშლილი, დამთავრებული ამბავია და ყველამ იცის თანამედროვე, ცივილიზებულ სამყაროში, რომ არჩევნები სამართლიანი და თავისუფალი იყო, ყველა ამას ლაპარაკობს, ვერ დავარწმუნეთ, მხოლოდ ბატონი გიგა ბოკერია და მიხეილ სააკაშვილი. როდესაც ოპოზიცია იმ დღეშია, რომ სადღაც რაღაც ეწერა და სადღაც რაღაც ითქვა, აი ამაზე არის ჩამოსული ბოკერიას და სააკაშვილის მესიჯბოქსი, რომელიც დილიდან გაიშალა, ეს ასე არ არის. სამართლიანია განცხადებებით, კონკურენტულია, თავისუფალია დასკვნებით. ეს ყველაფერი ერთობლიობაში მგონი გვაძლევს იმის თქმას საშუალებას, რომ ლეგიტიმურია საერთო ჯამში. ლეგიტიმურია მთელი მსოფლიოსთვის, დასავლეთისთვის, ცივილიზებული სამყაროსთვის და არალეგიტიმურია მიხეილ სააკაშვილისთვის და გიგა ბოკერიასთვის. ბოკერია რომ ცდება, სააკაშვილი რომ სცდება დასავლეთს თავის მესიჯბოქსში ეს სამწუხაროა მათთვის, მაგრამ ამ ქვეყანაში საზოგადოება ჩამოყალიბდა და შეთანხმდა, რომ არჩევნების ლეგიტიმაციასთან კითხვა არ არსებობს“, - განაცხადა მამუკა მდინარაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.

ფილფანი- გამოძიება უნდა დაიწყოს ირაკლი კობახიძის და ყველა იმ მაღალჩინოსანი პირის მიმართაც, რომელიც საქართველოს ადანაშაულებს

Volvo 365 – ერთი წელი ავტომობილის ფლობასთან დაკავშირებული ძირითადი ხარჯების გარეშე

სეპარატისტული რეჟიმი: თურქეთში აფხაზური პასპორტების აღიარების საკითხზე დისკუსია მიმდინარეობს