„ნაციონალური მოძრაობის“ წევრის, სალომე სამადაშვილის განცხადებით, თუ „ქართული ოცნება“ ოპოზიციასთან პროგრესს არ მიაღწევს, დღის წესრიგში საარჩევნო ბოიკოტის საკითხი დადგება.

როგორც მან აღნიშნა, „ქართულმა ოცნებამ“ გასული თვეების მანძილზე ყველაფერი გააკეთა, რათა ყველა დაერწმუნებინა, რომ ბოიკოტი ერთადერთი სწორი გადაწყვეტილება იყო.

„ქართული ოცნების“ წარმომადგენლები იმის ნაცვლად, რომ რეალურად ფიქრობდნენ იმ შანსის გამოყენებაზე, რაც ჩვენ შემოგვთავაზა ევროკავშირმა, არიან დაკავებულნი სიცრუის ტირაჟირებით. თუ ბატონ თალაკვაძეს არ ესმის ინგლისური, შეუძლია, ვინმეს თხოვოს და უთარგმნონ რა ვთქვი მე აღნიშნულ კონფერენციაზე. მე სწორედ ის ვთქვი, რომ თუ ვინმეს ჰქონდა სკეპტიკური დამოკიდებულება ბოიკოტთან დაკავშირებით, მათ შორის მეც, „ქართულმა ოცნებამ“ გასული თვეების მანძილზე ყველაფერი გააკეთა იმისათვის, რომ ყველა დაერწმუნებინა იმაში, რომ ბოიკოტი იყო ერთადერთი სწორი გადაწყვეტილება.

მეტიც, აღნიშნულ კონფერენციაზე ასევე ვთქვი, რომ თუ „ქართული ოცნება“ არ წამოვა ამ მედიაციის ფორმატში და არ მიაღწევს რაიმე პროგრესს იმ საკითხებთან მიმართებაში, რომელიც არის ბატონი მიშელის გეგმაში, არამხოლოდ საპარლამენტო ბოიკოტის, არამედ საარჩევნო ბოიკოტის საკითხი დადგება დღის წესრიგში. გაუგებარი იქნება, საერთოდ რა აზრი ექნება არჩევნებში მონაწილეობას ოპოზიციის მხრიდან, თუ არ განხორციელდა რეალური საარჩევნო რეფორმა. ასე რომ, ჩემი არგუმენტები იყო სწორედ ბოიკოტის სასარგებლოდ და არა საწინააღმდეგოდ. როგორც ჩანს, ამდენი ანალიზის უნარი პატივცემული უმრავლესობის წარმომადგენლებს არ აქვთ“, - განაცხადა სალომე სამადაშვილმა.

ცნობისთვის, პარლამენტის თავმჯდომარის, არჩილ თალაკვაძის განცხადებით, ატლანტიკური საბჭოს კონფერენციაზე მმართველი გუნდის გარდა, ოპოზიციის წარმომადგენლებმაც აღნიშნეს, რომ საპარლამენტო ბოიკოტი შეცდომა იყო.

ავტორი: ექსპრესნიუსი,

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას