ტანგოს ცეკვისთვის ორია საჭირო, შესაბამისად, პროგრესისთვის საჭიროა არა მარტო მთავრობის, არამედ ოპოზიციის კონსტრუქციულობა,- ამის შესახებ საპარლამენტო უმრავლესობის წევრმა გიორგი ხელაშვილმა განაცხადა.

როგორც მან აღნიშნა, მხარეებს შორის პროგრესის ორ კვირაში მიღწევა შესაძლებელი იქნება.

„პარტიის შიგნით მუდმივად მიმდინარეობს სხვადასხვა ფორმატით საუბარი. ჩვენ გვაქვს ერთიანი პოზიცია. ამ მხრივ, ძალიან უხერხული იყო რაც გააკეთა ოპოზიციამ, როდესაც შეხვედრის დამთავრებისთანავე არასწორი ინტერპრეტაცია მიაწოდა მოსახლეობას და საერთაშორისო თანამეგობრობას იმის შესახებ, თუ რაზე იყო საუბარი შეხვედრაზე. ჩემი ინფორმაციით, რაც ამ შეხვედრაზე გაჟღერდა იყო ის, რომ ბატონმა მიშელმა ქართულ ოპოზიციას ამ დებატებში მეტი კონსტრუქციულობისაკენ მოუწოდა და დაგვითქვა დრო, რომ 2 კვირის განმავლობაში უნდა მივაღწიოთ გარკვეულ პროგრესს. ვფიქრობ, ეს პროგრესი შეიძლება, რომ მიიღწეს. როგორც ამბობენ, ტანგოს ცეკვისთვის ორია საჭირო, შესაბამისად, პროგრესისთვის საჭიროა არა მარტო მთავრობის, არამედ ოპოზიციის კონსტრუქციულობა“, - განაცხადა გიორგი ხელაშვილმა.

შეგახსენებთ, რო ევროპული საბჭოს პრეზიდენტმა, შარლ მიშელმა საქართველოში ვიზიტის ფარგლებში ხელისუფლებასა და ოპოზიციურ პარტიებთან შეხვედრა გამართა. მან ორივე მხარეს გარკვეული პროგრესის მისაღწევად ორკვირიანი ვადა მისცა.

ავტორი: ექსპრესნიუსი,

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას