დიალოგიდან 12 საათში ოპოზიციამ გააგრძელა დესტრუქცია, რაც მტრული ქვეყნების ინტერესებს ემსახურება, - ამის შესახებ პრემიერ-მინისტრმა ირაკლი ღარიბაშვილმა გუშინდელ შეხვედრასთან დაკავშირებით საუბრისას განაცხადა.

ირაკლი ღარიბაშვილის თქმით, კონსტრუქციულ დიალოგს ალტერნატივა არ აქვს.

 „მე მინდა მოსახლეობისთვის განვმარტო, რომ რაიმე არასწორი ინტერპრეტირება არ მოხდეს გუშინდელი შეხვედრის. შეგახსენებთ, რომ აღნიშნული კონსტრუქციული შეხვედრა შედგა ბატონი შარლ მიშელის ინიციატივით, რაზეც მე დაუყოვნებლივ დავთანხმდი, ვინაიდან მიმაჩნია, რომ კონსტრუქციულ დიალოგს ალტერნატივა არ აქვს, მაგრამ რა თქმა უნდა, იმ დათქმით და პირობით, რომ ასეთივე განწყობა იქნება ოპოზიციის მხრიდან, მაგრამ სამწუხაროდ, ოპოზიციის მხრიდან ჩვენ ვნახეთ აბსოლუტურად არათანმიმდევრული ნაბიჯები შეხვედრიდან 12 საათში, ვნახეთ თუ რაოდენ დესტრუქციული ქმედება გააგრძელე მათ, ვგულისხმობ დღეს პარლამენტის პიკეტირების მცდელობას, რაც არის აბსოლუტურად სახელწიფოს და ჩვენი ხალხის ინტერესების საწინააღმდეგო. მეტიც, ეს არის უკანონო დესტრუქციული ქმედებები, რაც არ ემსახურება არც ამ ფორმატს და არც ამ დიალოგის ინტერესებს, რომელიც ჩვენ გუშინ დავიწყეთ და არ ემსახურება ჩვენი ხალხის და ქვეყნის ინტერესებს, ეს მხოლოდ და მხოლოდ ემსახურება ჩვენი ქვეყნის წინააღმდეგ მოქმედი კონკრეტული სუბიექტებისა თუ მტრული ქვეყნების ინტერესებს“, - განაცხადა პრემიერმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას