2021-02-01 17:13:46, 657 ნახვა

---

მამუკა მდინარაძე ოპოზიციაზე - მათ შიშებზე, შეუწყდებათ თუ არა დეპუტატის მანდატი, ვერანაირ გარანტიას ვერ მივცემთ

ფრაქცია „ქართული ოცნების“ თავმჯდომარის, მამუკა მდინარაძის განცხადებით, მმართველი გუნდი ოპოზიციონერი დეპუტატებისთვის მანდატების შეწყვეტის საკითხზე ხვალ უმრავლესობის ფორმატში შეიკრიბებიან.

როგორც მან აღნიშნა, მმართველი გუნდი ოპოზიციას ვერანაირ გარანტიას ვერ მისცემს, შეუწყდებათ თუ არა უფლებამოსილება.

„რაც შეეხება მანდატების შეწყვეტა-არშეწყვეტის საკითხს, ამასთან დაკავშირებით კიდევ ერთხელ შევიკრიბებით დღეს პოლიტსაბჭოს ფორმატში, ხვალ უმრავლესობის ფორმატში, კიდევ ერთხელ გავივლით თუ რა გადაწყვეტილება უნდა მივიღოთ საბოლოოდ. ვერანაირ გარანტიას მათ შიშებთან დაკავშირებით ვერც დღეს ვერ მივცემ, წინასწარ ვერ შევპირდებით იქნება ეს შეწყვეტაზე გადაწყვეტილება, თუ არ იქნება“, - განაცხადა მამუკა მდინარაძემ.

შეგახსენებთ, რომ ოპოზიციონერი დეპუტატებისთვის უფლებამოსილების შეწყვეტის საკითხი ხვალ პარლამენტში კენჭისყრაზე დადგება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი