შალვა ნათელაშვილი „ქართულ ოცნებას“ ოპოზიციის დეპუტატებისთვის უფლებამოსილების შეწყვეტისკენ მოუწოდებს

2021-02-01 14:42:45, 573 ნახვა

პოლიტიკა

„მე მოვუწოდებ „ქართულ ოცნებას“, რომ ხვალ შეწყვიტონ უფლებამოსილება ყველა იმ დეპუტატის, რომლებმაც შემოვიტანეთ განცხადებები”, - ამის შესახებ „ლეიბორისტული პარტიის“ ლიდერმა, შალვა ნათელაშვილმა განაცხადა.

მისი თქმით, ოპოზიცია პარლამენტში არ შედის და ეს მსოფლიომაც იცის.

„პრაქტიკულად ჩვენ გვრჩება „ქართული ოცნების” გამგეობის წევრთა კრება პარლამენტის დარბაზში. ამიტომ ცდილობენ ყველანაირად ეს გადაწიონ, მაგრამ პატრონმა მალადეც, ჭირმა თავი არ დამალაოო. არ ვართ პარლამენტში, ეს იცის მსოფლიომ და ვერანაირი მანიპულაციიით ვერ მოახერხებენ მდგომარეობის შელამაზებას. საკუთარი ტყავის, თავის და სტატუსის გადარჩენას. ამიტომ მე მოვუწოდებ მათ, რომ ხვალ შეწყვიტონ უფლებამოსილება ყველა იმ დეპუტატის, რომლებმაც შემოვიტანეთ განცხადებები”, - განაცხადა ნათელაშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან