მე არ დავუჭერდი ოპოზიციონერი დეპუტატებისთვის უფლებამოსილების შეწყვეტას მხარს, - ამის შესახებ საპარლამენტო უმრავლესობის წევრმა დავით სერგეენკომ ჟურნალისტებთან განაცხადა.

მისი თქმით, აღნიშნულ საკითხზე ოპოზიციაში ცალსახა პოზიცია ჩამოყალიბებული არ აქვთ.

„მე არ დავუჭერდი დეპუტატებისთვის უფლებამოსილების შეწყვეტას მხარს ახლანდელი მდგომარეობით. მე ვფიქრობ, რომ ყველა შესაძლებლობა უნდა იყოს გამოყენებული - კონსულტაცია, მოლაპარაკება იმისთვის, რომ დეპუტატები შემოვიდნენ პარლამენტში. ამაზე ცალსახა პოზიცია ამ წუთის მდგომარეობითაც არ არის. განსხვავებული პოზიციებია და დღევანდელი შეხვედრები და კონსულტაციები სწორედ ამას მიეძღვნება“, - განაცხადა დავით სერგეენკომ.

ცნობისთვის, დღეიდან პარლამენტი ოპოზიციონერი დეპუტატებისთვის უფლებამოსილების შეწყვეტაზე განცხადებებს განიხილავს. საპროცედურო საკითხთა და წესების კომიტეტი დღევანდელ სხდომაზე პარლამენტის წევრის უფლებამოსილების ვადამდე შეწყვეტის თაობაზე “ლეიბორისტული პარტიის“ ლიდერის შალვა ნათელაშვილისა და “ნაციონალური მოძრაობის“ წევრის ლევან ხაბეიშვილის განცხადებებს განიხილავს.

ავტორი: ექსპრესნიუსი,

სოციალური ქსელები

არ წარმოადგენს სებ-ის რეგულირებულ სუბიექტს - სებ აშშ-ს მიერ დასანქცირებულ კრიპტოკომპანიაზე

რუსეთმა ხარკოვში მაღალსართულიან შენობას რაკეტები დაარტყა, რის შედეგადაც სულ მცირე ექვსი ადამიანი დაიღუპა

უკრაინის შეიარაღებულმა ძალებმა პუტინის სასახლის მახლობლად S-400 საჰაერო თავდაცვის სისტემის პოზიცია გაანადგურეს

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება