ფრაქცია „ქართული ოცნების" თავმჯდომარის, მამუკა მდინარაძის განცხადებით, NDI-ის მიერ გავრცელებული კვლევის შედეგების მიხედვით ჩანს, რომ „ნაციონალური მოძრაობის“ რეიტინგი ისტორიულ მინიმუმზეა.

როგორც მამუკა მდინარაძემ NDI-ის კვლევის შედეგებზე საუბრისას აღნიშნა, მისთვის აღნიშნული გამოკითხვის შედეგები გასაკვირია. 

„ჩემთვის ძალიან გულწრფელად ვიტყვი, რომ დღეს ცოტა გასაკვირიც კი იყო NDI-ის გამოკითხვის შედეგები, იმიტომ რომ ,ჩვენ ვიცით, წლების განმავლობაში მიზეზები, ძალიან სერიოზული ცდომილებების რაც გამოწვეული იყო ადგილობრივი იმ ორგანიზაციების მუშაობის შედეგად, რომელსაც ეყრდნობოდა NDI და რომელთა დიდი ნაწილი აფელირებული იყო კონკრეტულ ორგანიზაციებთან, როგორც ჩანს, ამ ფარგლებში და ლოგიკაში ვერ ჩაჯდა ისეთი შედეგები, როგორიც აწყობდა ნაცმოძრაობას.

თქვენ იცით, რომ ისტორიულ მინიმუმზეა „ნაციონალური მოძრაობის“ რეიტინგი, რაც „ქართული ოცნების“ რეიტინგთან შედარებით, 6-ჯერ ნაკლებია და გამოკითხულ რესპოდენტთა 68% „ქართულ ოცნებას“ უჭერს მხარს. ასევე ფაქტია და ეს არ არის ჩვენი მოსაზრება, NDI-იც ამბობს, რომ საქართველოს მოქალაქეების 2/3 მოუწოდებს ოპოზიციას, შემოვიდნენ პარლამენტში და მიიღონ საპარლამენტო საქმიანობაში მონაწილეობა“, - განაცხადა მამუკა მდინარაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო