ფრაქცია „ქართული ოცნების" თავმჯდომარის მამუკა მდინარაძის განცხადებით, ოპოზიციას სახელმწიფოებრივი გადაწყვეტილების მისაღებად, კერძოდ, პარლამენტში შესვლასთან დაკავშირებით საბოლოო გადაწყვეტილების გამოსაცხადებლად, მაქსიმალური ვადა მიეცა.

როგორც მამუკა მდინარაძემ ბრიფინგზე აღნიშნა, „ქართული ოცნების“ გუნდი ორიენტირებულია, რომ ოპოზიციურ პარტიებმა შეძლონ საპარლამენტო საქმიანობაში ჩართვა.

მისივე თქმით, რეგლმანეტში ცვლილებები მიმდინარე კვირაში განხორციელდება.

„ქართული ოცნების“ გუნდი ორიენტირებულია მაქსიმალურად მისცეს შესაძლებლობა ოპოზიციურ პარტიებს სრულად ჩაერთონ საპარლამენტო საქმიანობაში, შესაბამისად, მიმდინარე კვირაში რეგლამენტში განხორციელდება ცვლილებები და ოპოზიციის წარმომადგენელ პარლამენტის წევრებს შეეძლებათ გაერთიანდნენ ჯგუფად და წარადგინონ პარლამენტის თავმჯდომარის მოადგილის და კომიტეტის თავმჯდომარის მოადგილის კანდიდატურები. ოპოზიციურ პარტიებს ამავდროულად, რომლებიც ვერ ქმნიან ფრაქციებს, ასევე შეეძლებათ კიდევ უფრო აქტიურად ჩაერთონ საპარლამენტო განხილვებში, რითიც მათ საპარლამენტო დებატებში გამოსვლის დრო გაეზრდებათ 15 წუთამდე.

ჩვენ მაქსიმალურად ვცდილობთ, რომ მივცეთ მაქსიმალური ვადა, რომ მათ მიიღონ სწორი, სახელმწიფოებრივი, რაციონალური გადაწყვეტილება, ვიდრე პარლამენტი განიხილავს მათი უფლებამოსილების შეწყვეტის საკითხს“, - განაცხადა მამუკა მდინარაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო