პარლამენტის აგრარულ საკითხთა კომიტეტის თავმჯდომარის ნინო წილოსანის განცხადებით, ცივილურად მოაზროვნე არც ერთი ადამიანი ვინმესთვის თავზე ნაგვის დაყრას არ გაამართლებს.

როგორც მან აღნიშნა, თავზე ნაგვის დაყრა სამოქალაქო აქტივიზმის არც ერთ ნორმალურ ფორმას არ შეესაბამება.

ნინო წილოსანი ხაზს უსვამს, რომ პოლიტიკოსებმა მსგავსი შემთხვევების დროს განცხადებები განსაკუთრებულად ფრთხილად უნდა გააკეთონ. 

„არ მეგულება ცივილურად მოაზროვნე ადამიანი, რომელიც გაამართლებდა ამ ქმედებას, თუმცა, ამის პარალელურად, ვხედავთ, რომ პოლიტიკოსები, რომლებსაც განსაკუთრებულად დიდი პასუხისმგებლობა ეკისრებათ და განსაკუთრებული სიფრთხილით უნდა აკეთებდნენ განცხადებებს, რადგან მათ ბევრი ადამიანი უსმენს, კონკრეტული ამომრჩეველი ჰყავს და მათი მოსაზრება ამ ადამიანებისთვის მნიშვნელოვანია, მოუწოდებენ თავიანთ ამომრჩევლებს და ამართლებენ საქციელს, როდესაც ქმედება ცდება ყველანაირ გამოხატვის თავისუფლებას. ნაგვის თავზე დაყრა არ შეესაბამება სამოქალაქო აქტივიზმის არცერთ ნორმალურ ფორმას," - განაცხადა ნინო წილოსანმა.

შეგახსენებთ, რომ 23 იანვარს, ბათუმში მიმდინარე აქციაზე, ირაკლი ჩავლეიშვილს, რომელმაც ბოიკოტზე უარი თქვა და აჭარის უმაღლეს საბჭოში შევიდა, არასამთავრობო ორგანიზაცია "ალტერნატივას" წევრმა ირაკლი ფანგანმა შეურაცხყოფა მიაყენა და თავზე ნაგავი დააყარა. შსს-მ ინციდენტში მონაწილე ერთი პირი დააკავა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო