2021-01-18 12:41:25, 1171 ნახვა
მსოფლიო
სამხრეთ კორეის სასამართლომ „სამსუნგის“ ვიცე-პრეზიდენტს ორი წლითა და ექვსი თვით პატიმრობა მიუსაჯა
სამხრეთ კორეის სასამართლომ კომპანია „სამსუნგის“ ვიცე-პრეზიდენტს, ჯეი ლის 2.5-წლიანი პატიმრობა მიუსაჯა.
ამის შესახებ „როიტერსი“ წერს.
სააგენტოს ცნობით, როგორც ბრალდების მხარე ამტკიცებს, ჯეი ლიმ 43 მილიარდი ვონი გადასცა არაკომერციულ ფონდს, რომელიც კორეის პრეზიდენტთან პაკ კინ ჰესთან არის დაკავშირებული.
52 წლის ლი 2017 წელს ყოფილი პრეზიდენტის, პაკ გიუნ-ჰეის წარმომადგენლისთვის ქრთამის მიცემის ბრალდებით გაასამართლეს და 5-წლიანი პატიმრობა მიუსაჯეს. თავად ჯეი ლი ბრალს უარყოფდა, რის შემდეგაც მას სასჯელი შეუმცირდა და სააპელაციო წესით ერთი წლის შემდეგ გაათავისუფლეს.
ავტორი: ექსპრესნიუსი,
epn.ge (@expressnews.ge)
