2021-01-13 11:06:23, 1272 ნახვა
მსოფლიო
ესტონეთის პრემიერმა კორუფციული სკანდალის გამო თანამდებობა დატოვა
ესტონეთის პრემიერ-მინისტრმა, იური რატასმა კორუფციული სკანდალის გამო თანამდებობა დატოვა.
ამის შესახებ ადგილობრივი მედია იუწყება.
მათივე ცნობით, რატასმა შესაბამისი განცხადება უკვე გამოაქვეყნა.
„პოლიტიკაში რთული გადაწყვეტილებების მიღება საკმაოდ ძნელია. დღეს მე მივიღე ღირებულებაზე დაფუძნებული გადაწყვეტილება, შექმნილ ვითარებაში, ესტონეთის რესპუბლიკის პრემიერ-მინისტრის თანამდებობიდან გადადგომის შესახებ. ბრალდება არ ნიშნავს, რომ ვინმე დამნაშავეა, თუმცა ეს ჩრდილს აყენებს ყველას“, - აღნიშნა რატასმა.
ცნობისთვის, ესტონეთის მთავრობის მეთურის გადადგომამდე პროკურატურამ ცენტრისტული პარტიის მაღალჩინოსნები კორუფციაში დაადანაშაულა.
ავტორი: ექსპრესნიუსი,
epn.ge (@expressnews.ge)
