ელენე ხოშტარია ცდილობს, იმიჯი გადაირჩინოს, - ასე ეხმაურება პარლამენტის პირველი სპიკერი გია ვოლსკი „ევროპული საქართველოს“ ყოფილი წევრის, ელენე ხოშტარიას პარტიიდან წასვლის საკითხს.

მისი თქმით, ხოშტარია ცდილობს იმ ხალხს დაშორდეს, რომლებიც ბოლო პერიოდში ღრიალითა და შეძახილებით გამოირჩევა.

„ვფიქრობ, ელენე ხოშტარია ცდილობს, თავისი იმიჯი გადაირჩინოს და იმ ხალხს დაშორდეს, რომელიც ამ პერიოდში ღრიალით და ფურ-ირემივით შეძახილებით გამოირჩევა. იმ საკითხებთან დაკავშირებით, რასაც ჰქვია: ბიუჯეტის მიმართ დამოკიდებულება, ადამიანის უფლებების მიმართ დამოკიდებულება, ეს გაერთიანება მიუხედავად იმისა, რომ სახელი შეიცვალა შორს არ ჩავარდნილა იმ ხიდან, რომელიც „ნაციონალური მოძრაობის“ სახელითაა ცნობილი. ვფიქრობ, სწორედ ეს ამოძრავებს ელენე ხოშტარიას, თუმცა რამდენად წარმატებული იქნება თავის მისწრაფებაში, ვერ გეტყვით“, - განაცხადა გია ვოლსკიმ.

ცნობისთვის, ელენე ხოშტარიამ „ევროპული საქართველო“ დატოვა.  

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს