2020-12-22 18:03:55, 889 ნახვა
სამხედრო
ირაკლი ღარიბაშვილმა თავდაცვის ძალებში განხორციელებულ ინფრასტრუქტურულ პროექტებზე ისაუბრა
საქართველოს თავდაცვის მინისტრობის კანდიდატმა ირაკლი ღარიბაშვილმა დღეს პარლამენტში ახალი სამთავრობო პროგრამის თავდაცვის ნაწილი წარადგინა. სამოქმედო გეგმებზე საუბრის შემდეგ, მან 2020 წელს განხორციელებული პროექტების შესახებაც ისაუბრა.
ირაკლი ღარიბაშვილმა განსაკუთრებული ადგილი დაუთმო თავდაცვის ძალებში ინფრასტრუქტურული განახლების პროცესს. მისი თქმით, თავდაცვის ბიუჯეტიდან 100 მილიონი ლარი გამოიყო და შედეგად, დაახლოებით, 250 ობიექტი, ყველა მოქმედი ყაზარმა და სასადილო რეაბილიტირდა. თავდაცვის მინისტრობის კანდიდატმა აღნიშნა, რომ მომავალ წლებში ყურადღება დაეთმობა განახლებული ინფრასტრუქტურის შენარჩუნებისა და მშენებლობა-განვითარების საკითხებს.
ავტორი: NS (სტატია დაფინანსებულია),
epn.ge (@expressnews.ge)
