2020-12-09 13:52:06, 596 ნახვა
ეკონომიკა
კობა გვენეტაძე - 2021 წელს შესაძლებელია საქართველოს ეკონომიკის 5%-იანი ზრდა
საქართველოს ეროვნული ბანკის დირექტორმა, კობა გვენეტაძემ განაცხადა, რომ 2021 წელს შესაძლებელია საქართველოს ეკონომიკის 5%-იანი ზრდა.
მისი თქმით, პანდემიის პერიოდში რთულია რაიმე პროგნოზის გაკეთება.
„2021 წელთან დაკავშირებით ეკონომიკის 5%-ით ზრდა შესაძლებელია იყოს. არ დაგვავიწყდეს, რომ ფისკალური სტიმულიც საკმაოდ მაღალ დონეზეა დაგეგმილი ბიუჯეტის მიხედვით 2021 წელს. ამავე დროს საკრედიტო აქტივობაც ნარჩუნდება. კოვიდის დროს პროგნოზების გაკეთება არის ძალიან რთული და ეს ბევრ გაურკვევლობასთანაა დაკავშირებული“, - განაცხადა კობა გვენეტაძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
