2020-11-28 12:50:52, 649 ნახვა

---

უდუმაშვილის განცხადებით, მოლაპარაკების ჩიხში შესვლა დამოკიდებულია იმაზე, თუ რა წინადადებებით მივა „ქართული ოცნება“

„ნაციონალური მოძრაობის“ წევრის, ზაალ უდუმაშვილის განცხადებით, მოლაპარაკების ჩიხში შესვლა დამოკიდებულია იმაზე, თუ რა წინადადებებით მივა „ქართული ოცნება“.

მისი თქმით, მოლაპარაკების მესამე რაუნდი ჯერ არ ჩანიშნულა.

„განხილვის მთავარი თემა იქნება პარლამენტის პირველი სხდომა, ანუ როცა უნდა შეიკრიბოს „ქართული ოცნების“ ერთპარტიული პარლამენტი, რას აპირებს იმ დღეს ოპოზიცია, რამდენიმე ვერსია არის უკვე შემუშავებული.

მესამე რაუნდი ჯერ არ ჩანიშნულა და არ ვიცით რა წინადადებები მოაქვს „ქართულ ოცნებას“ მოლაპარაკების მაგიდასთან. ამაზე იქნება დამოკიდებული შევა თუ არა ჩიხში ეს მოლაპარაკებები. ჩვენ მზად ვართ ნებისმიერ დღეს, საათს, როცა ჩაინიშნება მოლაპარაკებები, მთავარია „ქართული ოცნება“ გონივრული წინადადებებით მოვიდეს“, - განაცხადა უდუმაშვილმა.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი