მცხეთა - თიანეთის საარჩევნო ოლქში მაჟორიტარობის კანდიდატი "გაერთიანებული ოპოზიციიდან" ცეზარ ჩოჩელი, აცხადებს, რომ არ აპირებს მეორე ტურში მონაწილეობის მიღებას.

"ხელისუფლების წარმომადგენლების მხრიდან ვრცელდება ინფორმაცია, თითქოს ოპოზიცია მაჟორიტარულ ოლქებში აორმაგებს აგიტატორებს და ემზადება მეორე ტურისთვის. ესეც არის მორიგი ტყუილი!
მე ვრჩები ჩემი სიტყვის ერთგული - არ ვაპირებ ეგრეთ წოდებულ მეორე ტურში მონაწილეობის მიღებას!
კიდევ ერთხელ ვუხდი მადლობას ჩემს მომხრეებსა და თანამოაზრეებს  ერთგულებისთვის და მოვუწოდებ, ბოიკოტი გამოუცხადონ გაყალბებულ არჩევნებს"  - აცხადებს ცეზარ ჩოჩელი.

მე-11 მაჟორიტარულ ოლქში [მცხეთის, დუშეთის, თიანეთისა და ყაზბეგის მუნიციპალიტეტებში] „ქართული ოცნების“ კანდიდატმა შალვა კერესელიძემ ხმების 50.22% მიიღო და ამ დრომდე გამარჯვება პირველივე ტურში მოპოვებული ჰქონდა. მეორე ტურის გამართვის შემთხვევაში კი „ქართული ოცნების“ კანდიდატი „ენმ – „ძალა ერთობაშიას“ მაჟორიტარობის კანდიდატს ცეზარ ჩოჩელს დაუპირისპირდებოდა, რომელსაც, ცესკოს მიხედვით, პირველ ტურში ხმების 33.37% ჰქონდა მიღებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც