ადამ კინზინგერი - მიიღეთ არჩევნებში მონაწილეობა, შეინარჩუნეთ სიმშვიდე და მიეცით პროცესს მუშაობის საშუალება

2020-10-31 18:46:16, 1742 ნახვა

ამერიკელი კონგრესმენი ადამ კინზინგერი საქართველოში მიმდინარე საარჩევნო პროცესს სოციალურ ქსელში ეხმაურება.

როგორც ადამ კინზინგერი „ტვიტერში“ წერს, თავისუფალ და სამართლიან არჩევნებში არ არის დაშინებისა და ხმების მოსყიდვის ადგილი.

ადამ კინზინგერი მოუწოდებს საქართველოს მოქალაქეებს მიიღონ არჩევნებში მონაწილეობა და გააკეთონ არჩევანი, შეინარჩუნონ სიმშვიდე და მისცენ პროცესს მუშაობის საშუალება.

„თვალს ვადევნებ ჩვენს მოკავშირე საქართველოში მიმდინარე საარჩევნო პროცესს. მოვუწოდებ ყველას, მიიღოს ხმის მიცემაში მონაწილეობა და გააკეთოს არჩევანი, შეინარჩუნოს სიმშვიდე და მისცეს პროცესს მუშაობის საშუალება. თავისუფალ და სამართლიან არჩევნებში არ არის თაღლითობის, დაშინებისა და ხმების მოსყიდვის ადგილი. ჩვენი სახელმწიფოები ძლიერი და ერთიანია, აშშ-ს აქვს საქართველოს იმედი“, - წერს კინზინგერი.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან