ევროკავშირის ასოცირების დღის  წესრიგით განსაზღვრული რეფორმის- სახელმწიფო შიდა  ფინანსური კონტროლის მნიშვნელოვან ნაწილს საჯარო სექტროში ფუნქციურად ძლიერი შიდა აუდიტის სამსახურების ჩამოყალიბება  და მათი  საქმიანობის  საერთაშორისო სტანდარტებთან  შესაბამისობის უზრუნველყოფა წარმოადგენს.

სწორედ ამ მიზნით, საქართველოს თავდაცვის სამინისტროს ინიციატივით, სამინისტროს აკადემიაში შიდა აუდიტის ტრენინგი დაიწყო.

ღონისძიება საქართველოს თავდაცვის მინისტრის მოადგილე ანა დოლიძემ გახსნა და შიდა აუდიტორთა უწყვეტი  პროფესიული განვითარების მნიშვნელობაზე  გაამახვილა ყურადღება.

ტრენინგზე დამსწრეებს ფინანსთა მინისტრის  მოადგილე ცოტნე ყავლაშვილი, გაერთიანებული სამეფოს ატაშე საქართველოში, ვიცე-პოლკოვნიკი ნიკ ვილკესი და ნატო-ს სამეკავშირეო  ოფისის  ხელმძღვანელი უილიამ ლაჰიუ მიესალმენ.

ტრენინგში თავდაცვის სამინისტროსა და კიდევ 9 სამინისტროს  შიდა აუდიტორები მონაწილეობენ. სემინარს ასევე ესწრებიან წარმომადგენლები  ფინანსთა სამინისტროს  სახელმწიფო შიდა კონტროლის დეპარტამენტიდან, რომელიც საჯარო  სექტორში შიდა აუდიტის რეფორმის  განხორციელებაზეა პასუხისმგებელი.

კურსის ფარგლებში მონაწილეები შესყიდვების, ადამიანური რესურსების, ინფორმაციისა და კორპორაციული მართვის, ასევე თაღლითობის  რისკის  აუდიტის საკითხებს შეისწავლიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის