2020-10-10 16:53:29, 1264 ნახვა
მსოფლიო
აზერბაიჯანის საგარეო საქმეთა მინისტრის განცხადებით, მთიან ყარაბაღში ცეცხლის შეწყვეტის შესახებ შეთანხმება დროებითია
აზერბაიჯანის საგარეო საქმეთა მინისტრის, ჯეიჰუნ ბაირამოვის განცხადებით, აზერბაიჯანსა და სომხეთს შორის მთიან ყარაბაღში ჰუმანიტარული მიზნით ცეცხლის შეწყვეტის შესახებ შეთანხმება დროებითია.
ამის შესახებ „როიტერსი“ წერს.
სააგენტოს ცნობით, როგორც ბაირამოვმა ბაქოში გამართულ ბრიფინგზე განაცხადა, მხარეებს შორის შეთანხმება იმდენ ხანს გაგრძელდება, რამდენიც „წითელ ჯვარს“ დაღუპულთა ცხედრების გასაცვლელად დასჭირდება.
ცნობისთვის, მოსკოვში გამართული 10-საათიანი მოლაპარაკებების შემდეგ, სომხეთი და აზერბაიჯანი ცეცხლის შეწყვეტაზე შეთანხმდნენ.
ავტორი: ექსპრესნიუსი,
epn.ge (@expressnews.ge)
