თბილისის საქალაქო სასამართლო  ლაშა მახარაძის მკვლელობაში ბრალდებულ გიორგი ოქროპირიძის პატიმრობიდან გათავისუფლებაზე მსჯელობს.

პროცესს ბრალდებული ოქროპირიძეც ესწრება, რომელმაც პროკურორ დავით მეფარიძის აცილება მოითხოვა.

ოქროპირიძემ პროკურორის აცილება მას შემდეგ მოითხოვა, რაც დავით მეფარიძემ განაცხადა, რომ ერთადერთი მისი დაინტერეებაა, თუ პირმა დანაშაული ჩაიდინა, შესაბამისად პასუხი აგოს.

მეფარიძის თქმით, დაცვის მხარის მოთხოვნა, ოქროპირიძის გათავისუფლებასთან დაკავშირებით, უსაფუძვლოა.

საბოლოოდ მოსამართლემ პროკურორის აცილების მოთხოვნა არ დააკმაყოფილა.

ცნობისთვის, ლაშა მახარაძის მკვლელობაში ბრალდებულ გიორგი ოქროპირიძის ოჯახმა საქალაქო სასამართლოს მისი გათავისუფლების შუამდგომლობით მიმართა.

როგორც ცნობილია, ოქროპირიძის შემთხვევაში წინასწარი პატიმრობის 9 თვიანი ვადა გასულია.

ოჯახის წევრების თქმით, თუ კი გიგი უგულავა გაათავისუფლეს, ოქროპირიძის გათავისუფლებაც უნდა მოხდეს.

შეგახსენებთ, ლაშა მახარაძის მკვლელობაში ბრალდებული გიორგი ოქროპირიძე გასული წლის 13 სექტემბერს დააკავეს. 9 თვიანი პატიმრობის გასვლის შემდეგ, მას ახალი ბრალი, ცრუ დასმენისთვის წაუყენეს.

ამ ბრალდებაზე  ოქროპირიძეს სასამართლომ წინასწარი პატიმრობა 12 ივნისს შეუფარდა.

 ლაშა მახარაძე 2014 წლის 2 სექტემბერს ვაკეში მოკლეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს