„ევროპული საქართველოს“ წევრი, გიგი უგულავა სოსო გოგაშვილის „ქართული ოცნებიდან“ წასვლას ბიძინა ივანიშვილის მარიონეტულ თამაშებს უწოდებს.

უგულავას თქმით, სოსო გოგაშვილი ქართული ოცნების ერთ-ერთი ყველაზე ბინძური წარმომადგენელი იყო.

„სოსო გოგაშვილი ამ ხელისუფლების და ბიძინა ივანიშვილის ერთ-ერთი ყველაზე ბინძური წარმომადგენელი იყო, ახლა რომელიმე თავის ბინძურ ტიპს მოიშორებს, გვერდით გაწევს თუ ახლოს მოწევს, ეს არის ივანიშვილის მარიონეტული თამაშები, რომელსაც არსებითად ხალხთან არანაირი საქმე არ აქვს. ამ თამაშებს რომ გადაყვა ხელისუფლება, იმიტომ გაღარიბდა, იმიტომ გვაქვს ეკონომიკა კოლაფსში, იმიტომ ვართ ჭაობზე და ვაქნევთ ხელს და გვგონია, რომ წინ წავალთ, თუმცა უნდა გვესმოდეს, რომ ჭაობზე ხელების ქნევა ნიშნავს ჩაძირვას, ხალხს ლუკმა-პურის პრობლემები აწუხებს და გოგაშვილი სულ ფეხებზე კიდიათ ნებისმიერ ჩვენ მოქალაქეს“, - განაცხადა გიგი უგულავამ.

შეგახსენებთ, რომ სახელმწიფო უსაფრთხოების სამსახურის უფროსის ყოფილი მოადგილე, სოსო გოგაშვილი „ქართულ ოცნებას“ ტოვებს. გოგაშვილი მედიასთან არ საუბრობს წასვლის მიზეზებზე.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა