ლუკა სირაძის ოჯახი ბრალდებული ადვოკატის, მარიანა ჩოლოიანის უფლებადამცველს, გაგი მოსიაშვილს დეზინფორმაციის გავრცელებაში ადანაშაულებს.

როგორც გარდაცვლილის ძმამ, ბექა სირაძემ მედიაცენტრ „მთავარში“ გამართულ ბრიფინგზე განაცხადა, მოსიაშვილის განცხადება, რომ ლუკა სირაძეს მორფი შენობის სახურავიდან გადმოვარდნამდე ჰქონდა გაკეთებული, სისულელეა.

„არის ორი ექსპერტიზის დასკვნა. ერთი სისხლის ნიმუში არის აღებული ასფალტიდან, სადაც ლუკა დავარდა, ხოლო მეორე სისხლის ნიმუში არის წამოღებული საავადმყოფოდან. პირველ სისხლის ნიმუშში არანაირი ნარკოტიკული საშუალება არ ჩანს, ხოლო მეორე სისხლის ნიმუშია არის მორფინი და სამედიცინო დანიშნულებისთვის გამოყენებადი ნივთიერებები, ტკივილგამაყუჩებლები, რაზეც ისინი ამტკიცებენ, რომ ლუკას მორფი გადმოვარდნამდე ჰქონდა გაკეთებული. ჩემი აზრით, ეს არის სისულელე და ემსახურება მხოლოდ იმას, რომ ლუკას სახელი შეარცხვინონ ხალხში.

მარიანა ჩოლოიანს ბრალი წარდგენილი აქვს ჩვენების იძულებით ჩამორთმევაზე და განყოფილების გარეთ მომხდარ პროცესებზე ისინი ჩემი აზრით, კომენტარს არ უნდა აკეთებდნენ. ბრალი წაყენებული რომ ჰქონდეს თვითმკვლელობამდე მიყვანის მუხლით, მაშინ კიდევ შესაძლო იქნებოდა ამაზე საუბარი. შეუძლებელია, ჩემი აზრით, 15 წლის ბავშვი წამოვიდეს, მორფი იყიდოს, სახურავზე ავიდეს, მორფი გაიკეთოს და ისე გადმოვარდეს, ცოტა აზრთან მიახლოებულ რამეზე რომ ვსაუბრობდეთ კიდევ ხო, მაგრამ მორფზე საუბარი სისულელეა, არც უნდა განიხილებოდეს“, - განაცხადა ბექა სირაძემ.

ცნობისთვის, მარიანა ჩოლოიანის ადვოკატმა გუშინ განაცხადა, რომ ლუკა სირაძის სისხლში დაცვის მხარის მიერ ჩატარებული ექსპერტიზის თანახმად, ნარკოტიკული საშუალება აღმოჩნდა. მანვე აღნიშნა, რომ ლუკა სირაძემ შესაძლოა თავი კი არ მოიკლა, არამედ გადავარდა.

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა