ადვოკატებმა თბილისის საქალაქო სასამართლოს, ყოფილი მერის, გიგი უგულავას გათავისუფლების შუამდგომლობით მიმართეს.

ადვოკატებმა საქალაქო სასამართლოში საკონსტიტუციო სასამართლოს გადაწყვეტილების სარეზოლუციო ნაწილი ჩააბარეს.

ადვოკატ ბექა ბასილაიას განცხადებით გიგი უგულავა უკანონო პატიმრობაში იმყოფება.

„გუშინ, ათის ხუთი წუთიდან, უნდა ყოფილიყო დაუყონებლივ გათავისუფლებული გიგი უგულავა ციხის ადმინისტრაციის მიერ, სასჯელაღსრულების დეპარტამენტის, სასჯელაღსრულების მინისტრის მიერ. თუმცა, გვესმის ათასგვარი სპეკულაცია პოლიტიკოსების მხრიდან, სასჯელაღსრულების მინისტრის მხრიდან და ასე შემდეგ, რომ თითქოს ამ საკითხზე მსჯელობა უნდა გამართოს სასამართლომ. ეს არის ტყუილი, უგულავა უნდა ყოფილიყო დაუყონებლივ გათავისუფლებული და მისი პატიმრობაში ყოფნა უკანონოა. თუმცა, წერტილი რომ დავუსვათ ყოველგვარ სპეკულაციას, რომ განსახილველი უნდა ყოფილიყო ეს საკითხი, ჩვენ მაინც მივამართეთ სასამართლოს. სასამართლოს თავისი ინიციატივით უკვე დილიდანვე უნდა მიეღო გადაწყვეტილება უგულავას გათავისუფლების შესახებ და ჩვენი შუამდგომლობის შეტანა საჭირო არ უნდა ყოფილიყო“,- განაცხადა ადვოკატმა ბექა ბასილაიამ.

მისივე თქმით, არ აქვს გონივრული მოლოდინი, რომ საკონსტიტუციო სასამართლოს გადაწყვეტილება დროულად აღსრულდება, თუმცა ბასილაიას თქმით, სასამართლომ შუამდგომლობის ჩაბარებისთანავე, დაუყოვნებლივ, ზეპირი მოსმენის გარეშე უნდა მიიღოს გადაწყვეტილება გიგი უგულავას პატიმორბიდან გათავისუფლების თაობაზე.

ცნობისთვის, საქართველოს საკონსტიტუციო სასამართლომ დედაქალაქის ყოფილი მერის, გიგი უგულავას სარჩელი ნაწილობრივ დააკმაყოფილა. შესაბამისი გადაწყვეტილება საქართველოს საკონსტიტუციო სასამართლოს თავმჯდომარემ, გიორგი პაპუაშვილმა გუშინ გამოაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს