საქართველოსა და მოლდოვას პრეზიდენტებს შორის სატელეფონო საუბარი შედგა

2015-09-16 19:24:15, 580 ნახვა

პოლიტიკა

საქართველოს პრეზიდენტ გიორგი მარგველაშვილსა და მოლდოვას რესპუბლიკის პრეზიდენტ ნიკოლაე ტიმოფტს შორის სატელეფონო საუბარი შედგა.

ამის შესახებ „ექსპრესნიუსს“ პრეზიდენტის ადმინისტრაციის პრესსამსახურიდან აცნობეს.

მათივე ინფორმაციით, გიორგი მარგველაშვილმა დაინტერესება გამოხატა მოლდოვაში მიმდინარე პროცესების მიმართ.

„საქართველოს და მოლდოვას ბევრი საერთო გამოწვევა აქვს და კარგი იქნება, თუ ევროსტრუქტურებში ინტეგრაციის პროცესი ერთობლივი ძალისხმევით განხორციელდება“, - აღნიშნა საქართველოს პრეზიდენტმა სატელეფონო საუბრისას.

ორი ქვეყნის პრეზიდენტებს შორის საუბარი ასევე შეეხო, მოლდოვას რესპუბლიკის პრეზიდენტის საქართველოში ვიზიტს, რომელიც მიმდინარე წლის ნოემბერში იგეგმება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან