2020-09-19 18:12:29, 953 ნახვა

---

პროკურორი - პირი, რომელმაც ბაჩალიაშვილის ოჯახს ყარაბაღთან დაკავშირებულ იარაღით ვაჭრობაზე ინფორმაცია მიაწოდა, დავით ფურცხვანიძეა

პირი, რომელმაც ბაჩალიაშვილის ოჯახს ყარაბაღთან დაკავშირებულ იარაღის უკანონო ვაჭრობაზე ინფორმაცია მიაწოდა, დავით ფურცხვანიძეა, - ამის შესახებ პროკურორმა დავით გუმბერიძემ განაცხადა.

მისი თქმით, პროკურატურას გამოძიებას ფურცხვანიძესთან სხვადასხვა სახის კითხვები ექნება.

„პირველ რიგში, კითხვები გვექნება ფოტოსურათებთან დაკავშირებით, რაზეც ადვოკატმა მიხეილ რამიშვილმა განაცხადა, რომ მიიღო ამ პიროვნებისგან ეს ფოტოები, რაც შემდგომ გამოძიებას წარმოგვიდგინა. ჩვენთვის საინტერესო საკითხია ოჯახის მირ გაჟღერებული იარაღით უკანონო ვაჭრობის ფაქტი, ყარაბაღს რაც უკავშირდება. 30 აგვისტოს რა განცხადებაც გააკეთეს ოჯახის წევრებმა. დავით ფურცხვანიძე იყო ის, პიროვნება ვინც ოჯახს ეს ინფორმაცია მიაწოდა. ეს პიროვნება საკმაოდ ჩართულია ამ საქმეში“, - განაცხადა გუმბერიძემ.

ცნობისთვის, ამ წუთებში დავით ფურცხვანიძე გამოკითხვაზე იმყოფება.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი