ევროპარლამენტი ალექსანდრ ლუკაშენკოს ლეგიტიმურობას არ აღიარებს, - ამის შესახებ საუბარია ევროპარლამენტის პლენარული სესიის ფარგლებში რეზოლუციის შესაბამის შეთანხმებულ ტექსტში.

17 სექტემბრის სესიაზე დეპუტატებმა მოითხოვეს ევროკავშირისგან, მიიღოს სანქციები ბელარუსისა და რუსეთის იმ მოქალაქეების წინააღმდეგ, რომლებიც ლუკაშენკოს უჭერენ მხარს.

„ეევროპარლამენტი მოუწოდებს ევროკავშირს, მიიღონ ეფექტური სანქციები ყველა იმ ბელარუსის მოქალაქის წინააღმდეგ, რომლებიც დამნაშავე არიან არჩევნების გაყალბებაში, ძალადობასა და რეპრესიებში. ამასთანავე, შეისწავლონ ყველა ის რუსეთის მოქალაქეები, რომლებიც დადანაშაულებულნი არიან ბელარუსის პრეზიდენტის, ალექსანდრ ლუკაშენკოს მხარდაჭერაში“, - წერია რეზოლუციის ტექსტში.

ამასთანავე, ევროპარლამენტი მოუწოდებს მინსკს მარია კოლესნიკოვა და სხვა პოლიტპატიმრები გაათავისუფლოს და სრულ მხარდაჭერას უცხადებს სვეტლანა ტიხანოვსკაიას და საკოორდინაციო საბჭოს.

რეზოლუცია ევროპარლამენტარებმა 574 ხმით 37 წინააღმდეგ მიიღეს, 82 კანონმდებელმა კი თავი შეიკავა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის