ლუკა სირაძის ძმა - ვითხოვთ დანარჩენი მხარეების პასუხისმგებლობასაც

2020-09-07 12:13:17, 4830 ნახვა

კომენტარი

გარდაცვლილი მოზარდის, ლუკა სირაძის ძმის, ბექა სირაძის განცხადებით, ოჯახი საქმეში მონაწილე სხვა პირების პასუხისმგებლობასაც ითხოვს.

მისი თქმით, ამისთვის ბრძოლას გააგრძელებენ.

„ველოდებოდი, რომ მიუსჯიდნენ მაქსიმალურ ვადას 5 წელს, თუმცა მიუსაჯეს სამი წელი. რაც შეეხება გასაჩივრებას, გავივლი ადვოკატთან და პროკურორთან კონსულტაციას და თუ ისინი საჭიროდ ჩათვლიან, ამ შემთხვევაში გავასაჩივრებთ. თუმცა სამი წელი ცუდი არ არის, რადგან მარიანა ჩოლოიანის ადვოკატები ამტკიცებდნენ რომ ის იყო აბსოლუტურად უდანაშაულო. დანარჩენი მხარეების პასუხისმგებლობასაც ვითხოვთ. ჩვენ ამისთვის ბრძოლას გავაგრძელებთ”,- განაცხადა ბექა სირაძემ.

შეგახსენებთ, რომ 15 წლის მოზარდის, ლუკა სირაძის გარდაცვალების საქმეზე მარიანა ჩოლოანს სასამართლომ 3 წლით თავისუფლების აღკვეთა მიუსაჯა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან