პრემიერ-მინისტრის გიორგი გახარიას განცხადებით, მთავრობა ვაშლის სუბსიდირებას იწყებს და ერთი კილოგრამი არასტანდარტული ვაშლი მინიმუმ 22 თეთრი ეღირება.

მისი თქმით, წელს საქართველოდან 23 000 ტონაზე მეტი ატამი იყო ექსპორტირებული, რაც 10 000-ით აღემატება შარშანდელ მონაცემებს.

„ეკონომიკური კრიზისის წინააღმდეგ მიმართული კიდევ ერთი ნაბიჯი უნდა განვიხილოთ დღეს, რაც მიმართულია ჩვენი ფერმერების მხარდასაჭერად. მოგეხსენებათ, რომ წელს შესანიშნავი მოსავალი გვქონდა ატმის, რომელმაც რეკორდულ ექსპორტულ ციფრებს მიაღწია და წელს საქართველოდან 23 000 ტონაზე მეტი ატამი იყო ექსპორტირებული, რაც 10 000-ით აღემატება შარშანდელ მონაცემებს, როგორც ჩანს წელს ასევე, უხვი მოსავალი გვექნება ვაშლის, დაახლოებით სამჯერ უფრო მეტი, რაც არიოს 120 000 ტონა დაახლოებით“, - განაცხადა გახარიამ.

მისი თქმით, შეღავათიანი აგროკრედიტის პროგრამა კრიზისულ პერიოდში ფერმერების სერიოზულ მხარდაჭერას გულისხმობს.

„სამწუხაროდ მიუხედავად იმისა, რომ სოფლის მეურნეობის სამინისტრო დანერგე მომავალი და სხვადასხვა პროგრამის საშუალებით ყველაფერს აკეთებს იმისთვის, რომ განახლდეს და ევროპული სტანდარტის მრავალწლოვანი ბაღები გაჩნდნენ საქართველოში, მაინც ჯერ კიდევ დიდია არასტანდარტული მოსავლის რაოდენობა, თუმცა ეს არ ნიშნავს იმას, რომ ერთი კილოგრამი მოსავალი მაინც დაუბინავებელი უნდა დარჩეს, ამიტომ შეღავათიანი აგროკრედიტის პროგრამაში ჩნდება ახალი კომპონენტი, რომელიც სოფლის მეურნეობის სამინისტროს და შემსყიდველ კომპანიებს  მისცემს შესაძლებლობას, არ დარჩეს არცერთი ვაშლი შეუსყიდავი, რაც გულისხმობს სუბსიდირებას. ეს პროგრამა, რომ არ ყოფილიყო კილოგრამი ვაშლის ფასი დაახლოებით 10 თეთრი იქნებოდა, რამეთუ საერთაშორისო ბაზრებზე ვაშლის ფასი დაეცა, ამ პროგრამის საშუალებით ნებისმიერი გლეხი და ფერმერი, არასტანდარტულ ვაშლში მიიღებს მინიმუმ 22 თეთრს, რაც არის სერიოზული მხარდაჭერა კრიზისის პირობებში", - განაცხადა გიორგი გახარიამ.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს